Тропарь Крещению Господню

Во Иорда́не креща́ющуся Тебе́, Го́споди, Тро́ическое яви́ся поклоне́ние:

Роди́телев бо глас свиде́тельствоваше Тебе́, возлю́бленнаго Тя Сы́на имену́я,

и Дух в ви́де голуби́не, изве́ствоваше словесе́ утвержде́ние.

Явле́йся Христе́ Бо́же, и мир просвеще́й, сла́ва Тебе́.

 

2022 год

2021 год

2020 год

8 февраля 2020г. в Храме в честь святителя Димитрия, митрополита Ростовского настоятелем Димитрием совершено первое Таинство Крещения.

Тропарь Сретения Господня

Радуйся, Благодатная Богородице Дево, из Тебе бо возсия Солнце Правды, Христос Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующаго нам воскресение

Кондак Сретения Господня

Утробу Девичу освятивый Рождеством Твоим и руце Симеоне благословивый, якоже подобаше, предварив, и ныне спасл еси нас, Христе Боже, но умири во бранех жительство и укрепи люди, ихже возлюбил еси, Едине Человеколюбче

Величание

Величаем Тя, Живодавче Христе, и чтим Пречистую Матерь Твою, Еюже по закону ныне принеслся еси в храм Господень

 

2022 год

2020 год

Тропарь

В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.

Кондак

В молитвах Неусыпающую Богородицу и в предстательствах непреложное упование гроб и умерщвление не удержаста: якоже бо Живота Матерь к животу престави во утробу Вселивыйся приснодевственную.

Величание

Величаем Тя, Пренепорочная Мати Христа Бога нашего, и всеславное славим успение Твое.

 

2021 год

2020 год

 

Тропарь Воздвижения Честнаго и Животворящего Креста

Спаси, Господи, люди Твоя и благослови достояние Твое, победы на сопротивныя даруя и Твое сохраняя Крестом Твоим жительство.

Кондак Воздвижения Честнаго и Животворящего Креста

Вознесыйся на Крест волею, тезоименитому Твоему новому жительству щедроты Твоя даруй, Христе Боже, возвесели нас силою Твоею, победы дая нам на сопостаты, пособие имущим Твое оружие мира, непобедимую победу.

Величание

Величаем Тя, Живодавче Христе, и чтим Крест Твой святый, имже нас спасл еси от работы вражия.

2021 год

 

2020 год

Тропарь

Православия ревнителю и раскола искоренителию, Российский целебниче и новый к Богу молитвенниче, списаньми твоими буих уцеломудрил еси, цевнице духовная, Димитрие блаженне, моли Христа Бога спастися душам нашим.

Кондак

Звезду Российскую, от Киева возсиявшую, и чрез Новград Северский в Ростов достигшую, всю же страну сию ученьми и чудесы озарившую, ублажим златословеснаго учителя Димитрия: той бо всем вся написа, яже к наставлению, да всех приобрящет, якоже Павел, Христу и спасет правоверием души наша.

Величание

Величаем тя, святителю отче Димитрие, и чтим святую память твою, ты бо молиши за нас Христа, Бога нашего.

 

 

2021 год

2020 год

 

10 ноября, в день памяти святителя Димитрия, митрополита Ростовского, архиепископ Егорьевский Матфей, викарий Святейшего Патриарха Московского и всея Руси совершил в храме Божественную литургию.

Его Высокопреосвященству сослужили благочинный Петропавловского церковного округа архимандрит Алексий (Вылажанин), настоятель храма священник Димитрий Бобков, и.о. настоятеля храма Живоначальной Троицы в Карачарове священник Александр Лисовский, священник Игорь Киселев, клирик храма Тихвинской иконы Божией Матери в Алексеевском протодиакон Василий Куфлик.

После Литургии владыка возглавил молебное пение с крестным ходом, а по его завершении обратился к духовенству и пастве с назидательным словом.

 

Парастас или Великая панихида - заупокойная Всенощная - великая панихида по всем усопшим православным христианам, совершаемая на Всенощном бдении родительских суббот (служится вечером в пятницу).

Тропарь Благовещения
Днесь спасения нашего главизна и еже от века таинства явление: Сын Божий Сын Девы бывает, и Гавриил благодать благовествует. Темже и мы с ним Богородице возопиим: радуйся, Благодатная, Господь с Тобою
 
Кондак Благовещения
Взбранной Воеводе победительная, яко избавльшеся от злых, благодарственная восписуем Ти, раби Твои, Богородице, но, яко имущая державу непобедимую, от всяких нас бед свободи, да зовем Ти: радуйся, Невесто Неневестная
 
Величание
Архангельский глас вопием Ти, Чистая: радуйся, Благодатная, Господь с Тобою

Великий Пяток Страстной седмицы – день скорби и воспоминаний Крестных страданий и смерти Иисуса Христа.

Великая вечерня и вынос Плащаницы происходят в 14-15 часов. Этим действием завершается цикл богослужений дня. К этому часу Плащаница выносится в храм.

Вечерня Великой Пятницы является преддверием утрени Великой Субботы, во время которой Церковь совершает обряд Погребения Господа Иисуса Христа.

2022 год

2021 год

Светлое Христово Воскресение. Пасха

 

Христос Воскресе!

Воскресение Твое, Христе Спасе, Ангелы поют на небесех,
и нас на земли сподоби чистым сердцем Тебе славити

2022 год 

 

2021 год

 

Тропарь

Благословен еси, Христе Боже наш, Иже премудры ловцы явлей, низпослав им Духа Святаго, и теми уловлей вселенную, Человеколюбче, слава Тебе.

Кондак

Егда снизшед языки слия, разделяше языки Вышний, егда же огненныя языки раздаяше, в соединение вся призва, и согласно славим Всесвятаго Духа.

Величание

Величаем Тя, Живодавче Христе, и чтим Всесвятаго Духа Твоего, Егоже от Отца послал еси Божественным учеником Твоим.

Задостойник

Апостоли, сошествие Утешителя зряще, удивишася, како в виде огненных язык явися Дух Святый. Радуйся, Царице, матеродевственная славо, всяка бо удобообращательная благоглаголивая уста ветийствовати не могут, Тебе пети достойно, изумевает же ум всяк Твое рождество разумети. Темже Тя согласно славим.

Тропарь Рождества Христова
Рождество Твое, Христе Боже наш, возсия мирови свет разума, в нем бо звездам служащии звездою учахуся Тебе кланятися, Солнцу Правды, и Тебе ведети с высоты Востока. Господи, слава Тебе!
 
Кондак Рождества Христова
Дева днесь Пресущественнаго раждает, и земля вертеп Неприступному приносит, Ангели с пастырьми славословят, волсви же со звездою путешествуют, нас бо ради родися Отроча Младо, Превечный Бог.
 
Величание
Величаем Тя, Живодавче Христе, нас ради ныне плотию рождшагося от Безневестныя и Пречистыя Девы Марии.
 
2021 год
Тропарь праздника
Преобразился еси на горе, Христе Боже, показавый учеником Твоим славу Твою, якоже можаху, да возсияет и нам, грешным, Свет Твой присносущный молитвами Богородицы, Светодавче, слава Тебе.
 
Кондак праздника
На горе преобразился еси, и якоже вмещаху ученицы Твои, славу Твою, Христе Боже, видеша, да егда Тя узрят распинаема, страдание убо уразумеют вольное, мирови же проповедят, яко Ты еси воистинну Отчее сияние.
 
Величание
Величаем Тя, Живодавче Христе, и почитаем пречистыя плоти Твоея преславное преображение.
 
Задостойник
Величай, душе моя, на Фаворе преобразившагося Господа. Рождество Твое нетленно явися: Бог из боку Твоею пройде, яко Плотоносец явися на земли, и с человеки поживе. Тя, Богородице, тем вси величаем.

Тропарь праздника
Днесь благовернии людие светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим Покровом и избави нас от всякаго зла, молящи Сына Твоего, Христа Бога нашего, спасти души наша.
 
Кондак праздника
Дева днесь предстоит в церкви и с лики святых невидимо за ны молится Богу, Ангели со архиереи покланяются, апостоли же со пророки ликовствуют: нас бо ради молит Богородица Превечнаго Бога.
 
Величание
Величаем Тя, Пресвятая Дево, и чтим Покров Твой святый:
Тя бо виде святый Андрей на воздусе, за ны Христу молящуюся.