Тропарь
Почерпе́м, челове́цы, цельбы́ душа́м и те́лом моли́твою, Река́ бо всем предтече́т – Пречи́стая Цари́ца Богоро́дица, источа́ющи нам чу́дную во́ду и измыва́ющи серде́ц че́рности, грехо́вныя стру́пы очища́ющи, ду́ши же освяща́ющи ве́рных Боже́ственною благода́тию.
Ин тропарь
Исто́чник еси́ вои́стинну воды́ живы́я, Влады́чице, неду́ги бо душ и теле́с лю́тыя прикоснове́нием еди́ным Твои́м измыва́еши, Во́ду спасе́ния Христа́ излива́ющи.
Ин тропарь
Днесь притеце́м ве́рнии к Боже́ственному и цельбоно́сному о́бразу Пресвяты́я Богоро́дицы, излия́вшия ка́пли своих излия́ний, и лю́дем ве́рным чуде́с показа́вшия, я́же мы ви́дяще и слы́шаще, духо́вно пра́зднуем и любе́зно вопие́м исцели́ти на́ши неду́ги и стра́сти, я́коже и карки́нския и тьмочи́сленныя стра́сти исцели́ла еси́. Те́мже мо́лим Тя, Де́во Пречи́стая, моли́ воплоще́ннаго из Тебе́ Христа́ Бо́га на́шего спасти́ся душа́м на́шим.
Кондак
От неистощи́мыя Ты, Исто́чниче Богоблагода́тный, подае́ши ми, точа́щи, во́ды Твоея́ благода́ти, приснотеку́щий па́че сло́ва, я́ко бо Сло́во ро́ждшая па́че смы́сла, молю́тися, ороси́ мя благода́тию, да зову́ Ти: ра́дуйся, Водо́ спаси́тельная.
Молитва первая
О, Пресвята́я Де́во, Всеми́лостивая Госпоже́ Влады́чице Богоро́дице, Живоно́сный Исто́чник Твой, целе́бные да́ры на здра́вие душ и теле́с на́ших и на спасе́ние ми́ру точа́щий, подала́ еси́ нам, те́мже благода́рни су́ще усе́рдно мо́лим Тя, Цари́це Пресвята́я: моли́ Сы́на Твоего́ и Бо́га на́шего да́ти нам оставле́ние прегреше́ний и вся́кой душе́ скорбя́щей и озло́бленней ми́лость и утеше́ние, и от бед, скорбе́й и боле́зней свобожде́ние. Пода́ждь, Госпоже́, (храму сему и) сим лю́дем покрове́ние (и святе́й оби́тели сей соблюде́ние), гра́ду сохране́ние, стране́ на́шей от напа́стей избавле́ние и огражде́ние, да ми́рное зде поживе́м житие́, и в бу́дущем ве́це сподо́бимся ви́дети Тебе́, Засту́пницу на́шу, во сла́ве Ца́рствия Сы́на Твоего́ и Бо́га на́шего, Ему́же сла́ва и держа́ва со Отце́м и Пресвяты́м Ду́хом во ве́ки веко́в. Ами́нь.
Молитва вторая
О, Пресвята́я Де́во, Ма́ти Го́спода на́шего Иису́са Христа́! Ты́ еси́ Ма́ти и покрови́тельница все́х к Тебе́ прибега́ющих, при́зри с благосе́рдием на моли́твы гре́шных и смире́нных ча́д Твои́х. Ты́, имену́емая Живоно́сный Исто́чник благода́тных врачева́ний, исцели́ боле́зни стра́ждущих и умоли́ Сы́на Твоего́, Го́спода на́шего Иису́са Христа́, да низпо́слет и все́м притека́ющим к Тебе́ здра́вие душе́вное и теле́сное и, прости́в на́м во́льная и нево́льная согреше́ния на́ша, да́рует на́м вся́ я́же к ве́чней и вре́менней жи́зни потре́бная. Ты́ еси́ все́х скорбя́щих ра́дость, услы́ши на́с, ско́рбных; Ты́ еси́ утоле́ние печа́ли, утоли́ и на́шу печа́ль; Ты́ еси́ взыска́ние поги́бших, не попусти́ и на́м поги́бнути в бе́здне грехо́в на́ших, но всегда́ избавля́й на́с от вся́ких скорбе́й и напа́стей и вся́каго зла́го обстоя́ния. Е́й, Цари́це на́ша преблага́я, наде́ждо на́ша несокруши́мая и засту́пнице необори́мая, не отврати́ лица́ Твоего́ от на́с за мно́жество прегреше́ний на́ших, но простри́ на́м ру́це Ма́терняго милосе́рдия Твоего́ и сотвори́ с на́ми зна́мение ми́лости Твоея́ во бла́го: яви́ на́м по́мощь Твою́ и благопоспеши́ во вся́ком де́ле благо́м. От вся́каго же начина́ния грехо́внаго и помышле́ния лука́ваго отврати́ на́с, да всегда́ сла́вим пречестно́е и́мя Твое́, велича́юще Бо́га Отца́ и Сы́на Единоро́днаго Го́спода Иису́са Христа́ и Животворя́щаго Свята́го Ду́ха со все́ми святы́ми во ве́ки веко́в. Ами́нь.
Величание
Велича́ем Тя, Пресвята́я Де́во, Богоизбра́нная Отрокови́це, и чтим о́браз Твой святы́й, и́мже то́чиши исцеле́ния всем с ве́рою притека́ющим.
На Светлой седмице богослужение наполнено радостными пасхальными песнопениями, литургия служится с открытыми Царскими вратами и после каждой литургии совершается крестный ход. В пятницу празднуется день иконы Божией Матери Живоносный Источник. Появление этой иконы связано с чудесным событием исцеления Богоматерью слепца, в середине V века у источника недалеко от Константинополя.
Воин Лев, ставший впоследствии императором (455- 473), в роще, посвященной Пресвятой Богородице встретил слепца, который попросил подать ему воды. Лев долго не мог найти водного источника, как вдруг он услышал голос Пресвятой богородицы, которая указала ему на источник и велела приложить тину из тех вод на глаза слепцу. После этого слепой прозрел, а воин, став императором, дивясь и радуясь о чудесном исцелении, велел очистить источник и воздвиг на его месте храм. После падения Константинополя храм был разрушен и воздвигнут вновь только в 1834-1835гг.
В память чуда в день Иконы Божией Матери Живоносный источник совершается малое освящение воды — оно происходит в течение года неоднократно, великое освящение воды совершается только в праздник Крещения (Богоявления).